مرثية لاهلنا في الموصل
ــــــــــــــــــــــــــــ د. صالح العطوان الحيالي -العراق- 23-3-2019
رجعنه من عذاب وظيم التهجير وياس وهموم
صبرنا وزاد صبرنا وصل صبر ايوب
وام كلثوم تكول للصبر حدود
رجعنه وجدنا البيت مهدوم
ما شفنه فرح لا ساعه ولا يوم
من وحدة لوحدة تجينا الهموم
صعدنه بقارب الأمل والفرح نضحك
حسبنا نرفه انفسنا من الهموم
ما ندري بالقدر والقدر مكتوب
صعد الشاب والشابة والطفل المحبوب
بوسط دجله العزيزه ماتت الروح
وهطل دمع الشعب كردي ايزيدي
مسيحي صابئي تحسبه مطر حالوب
يا قارب اظن داس الحمل بيك
اشوفك مو عدل يا حيف مكلوب
واشوف الماي والروجات والموج
واشوف الجثث صارت بكل صوب
مسكين طير الجنة آآآآآه شنو ذنبه
والشاب الغرك بالأمس مخطوب
دمع تبجي العروسه والحلم ضاع
ليش الفرح صار اليوم مسلوب
اظن الموت عاشك بس عراقي
والدم لكاعي صار مشروب
ما تشبع ابد من دمي كاعي
اصيل وعند هاي الكاع
ضاع الوطن والدين
وظل السارق بالوطن يحوم
حومة شؤوم وجه البوم
ليست هناك تعليقات:
إرسال تعليق