جرار متهالك 💥بقلم الشاعر/محمد شفيق مرعي

( جرار متهالك )

فاكر صوتي يا وطن حتي سكوتي
طيب حراجك يا وطن غطي وجودي
سكن الآمك وأحلامك و أعدم عهودي
أوعاك تبكي يا وطن علي روحي

ملعون أبوك يا دمع مروي بالنار
مين إلي ولع شمعة لجل تحرق قطار
الموت علينا حق والحقيقة خلف الأسوار
دلوقتي حان الرحيل خلاص صدر القرار
لا كان فيه تنبيه ولا حتي إنظار
أصبح في بلادي الموت رمز وشعار

معادي حان يا وطن راحل عنك
أبقي أفتكرني يا وطن أنا أبنك
راحل عنك بس روحي فيك
حتي الفراق يا وطن يجمعني بيك

فاكر صوتي يا وطن حتي سكوتي
طيب جراحك يا وطن غطي وجودي
سكن الآمك وأحلامك أعدم عهودي
وإياك تبكي يا وطن علي روحي

أنا شهيد يا وطن ودا يوم فرحي
إلي وجعني يا وطني أنا إيه ذنبي
موتي فداك يا وطن دآ هدية مني
صدقه مني يا وطن أنا راضي بقدري

ملعون يا صوت مكتوم خايف تطلع
دي لو نهاية الكون حالف ما ترجع
خليك تعيش مسجون ومحامي عنك يترافع
أنا إلي دفنت السكوت وبرده مش نافع

الآفات عماله بتموت وصورهم مهجماني
بتقولي أطلع من التابوت وفوق يا أناني
الدنيا مش دايمه كلنا حنموت والروح بتطلع في ثواني
أخرج من سجنك وأرفض السكوت وأتكلم بلساني

أنا القوة بعد الموت ومفيش حاجة منعاني
إنتقامي مالوش حدود وأوعاك تنساني
حتي بعد الموت بفكر فيك ومش أناني
أنا إنسان يا وطن أفديك بكل كياني

الدم سال هل دا حلال
ولا خيانة ولا إختلال
ولا نظام بيجني المال
ودموع تسيل عمال علي بطال

محمد شفيق مرعي
2/3/2019