الثلاثاء، 5 فبراير 2019

بحب بجد ...!! بقلم الشاعر /محمد ضباشه

بحب بجد !!! الشاعر محمد ضباشه ----------------------- بحب بجد !!! وانا حبى فى القلوب يتمد لا بحرم ولا ببعد ولا بعند معاه يتحد وأنا التايه فى سردابه عيون بابه ما بتشوفنيش لا بياخدنى فى رحابه وعذابه نازل تلطيش أمد شوقى لعتابه يمد الخطوة بالتهميش ألم العتمة وسرابه يفردها نهار ما يجيش أزرع دمعتى وردة وأقوم بالحب أرويها ألقى نسمتى شاردة وكحلى لسه فى عنيها يقوم شمعى يناديها فلاقيها صخور باردة وريح طاردة تعذبنى وما تلمس روحى بإيديها أقول أنسى وأنا ناسى بأن هواها مكتوب لى وأشرب من البعاد كاسى وكأن الهجر موصوف لى وشجر التوت يفكرنى بقعده ويا حلم كان قصاد عينى يذكرنى بأجمل وردة فى البستان خطفها الجان قصاد عينى وراحت منى يا عينى كفاياكى تنادينى فقابل ليلى والحرمان
في

ليست هناك تعليقات:

إرسال تعليق

الاشتراك في: تعليقات الرسالة (Atom)

وجد الروح

 خُذوا الليلَ مسيرا  ودعوني  أُخالجَ العَطشَ ... فقد أَتاني الأمرُ بريرا  وحَطَّ على خطوط الأرواح ْ هكذا كُتِبَ على الالواح ْ وهكذا كان أمرُ...