بِسمَع وشوشة حجر ع الحفافي
والريح بقلب الليل بعدو شي غافي
وتصير النسمة ترسم غفا اللون
ع زند العوافي تملي قلب الكون
وترجَع عالبال تنَقط لحن صافي
هَلك العمر وحَدِّك إجا يرتاح
سراج الفكر سِهي ع رَنة الأفراح
يفوح الزَهر والقلب ضَيع المفتاح
وبيتعب ورد ليلي من كتر القوافي
وبحُط راسي على كتاف السما نعسان
والغيم سكران ع عيوني ومن لهفتو تعبان
يفَتِش على العمر إل تفرق على شي كان
ويرجع يهَدّي البال تحت شي صفصافي
ويا ريت بيعود غافي ع الحفافي
سليم عيسى
ليست هناك تعليقات:
إرسال تعليق