زي القمر ,, بقلم المبدع ,, سيد عبد الوهاب

زىّ القمر
جمالُه  زىّ القمر
جماله شىء خلاّب
العين بترمى النظر
والقلب حَبّ ودَاب
كل اللى شافه انبهر
والعشق له أسباب
جمال عيونه خطر
سِحر العيون جذّاب
وشىء بِ بَالى خطر
كتبت ألف جواب
أطلُب إيدين القمر
طالب نكون أحباب
لكن بخاطرى كَسَر
ردّ فى وشّى الباب
نزلت دموعى مطر
صبحت حياتى عذاب
والعين غلبها السهر
تشكى ب لوم وعتاب
قولُوله عِيد النظر
يكسب فِ قلبى ثواب
........
سيد عبدالوهاب