" ( يِهَوِّنّْ عليا الليالي ) "
Ashraf Eldghedy
( يِهَوِّنّْ عليا الليالي )
بعدك عني يآحبيبي غصب عني علشان بهواك
وإيه يصبرني علي بُعدك غير ذكري ليالي الحب معاك
ماأقدرش انساك يآعمري ولا انسي ليالي هواك
صعبآن عليا وانت حبيبي مين في بُعدك يونسني
وإزاي قلبي اللي بيحبك ويعشقك هيتحمل لحظة ماتودعني
قدر مكتوب عليا تسافر وتتغرب وتبعد عني
وافضل أبكي وادعي ربي يصبرني علي بعدك
يهوِّن عليا الليالي وعذابها لحد الشوق مآ يرجعك
وتجمعنا ليالي الحب والغرام من بعد الجفا تاني
وتسقيني گاس الهنا يآحبيبي وتنسيني عذآبي
خلي معاك قلبي يآحبيبي يرعاك ويونسك
ويفضل يفكرك بيآ صبح وليل وروحي معاه تحرسك
وغصب عني ياحبيبي هاتحمل ليالي الهجر والبعاد
وروحك هتفضل معايا تفكرني بليالي الوصل والودآد
ولو لحظه نسيت غصب عني والنوم جاني وزارني
هلاقي طيفك يآعمري جآني وصحاني وبيك فكرني
حبيبي بُعدك عني هيشغلني ويزود همي ومين يصبرني
وخوفي عليك هيخلي نهاري ويل وليلي هيسهرني
واشوآقي ليك يآحبيبي هتفضل مشعلله نار حبي
وهفضل محتآره انا وخيالي واقول امته يرتاح قلبي
خايفه في ليالي هجرك مقدرش أداري عن اللآيمين نوحي واخبي
هكتبلك كل يوم جواب بدموع أشوآقي وأهآتي يمكن يطمني عنك
ويوحشني الوداد كل يوم سنه وأستني جنة قربك
وآه ياليالي الغربه والفرآق وقد إيه الثوآني فيها عذآب
وازاي نقدر نتحمل دنيتنا وإحنا بُعآد عن الأحبآب
وهفضل محرومه من نسيم الحب ونعيمه علشان حبيبي عني غآب
خواطر ( أشرف الدغيدي )
حقوق الملكية محفوظه
الشاعر /ة / Ashraf Eldghedy
تحت إشراف رئيس مجلس الإدارة السفيرة د. منى ضيا (منى داوود ضيا)
